الرئيسية / أخبار سينمائية / معاني كلمات أغنية ويجز “دورك جاي”

معاني كلمات أغنية ويجز “دورك جاي”

ويجز “دورك جاي”

في ظل أزمة عالمية تجتاح البلاد وحجر صحي وإقامة جبرية في أغلب الدول، يلمع مطرب الراب المصري السكندري “ويجز” في لفت الأنظار بطريقة مختلفة تماماً وحصد ملايين المشاهدات من خلال كليب “دورك جاي”

بعيداً عن تصوير الأغنية بلغة بصرية جيدة وجذابة رغم بساطة الإنتاج، إلا أنه طَرح من خلال كلمات أغنيته شكل جديد لأول مرة يتعرف عليه المصريين وهو أسلوب “الدس” ويعني ببساطة المنافسة والتحدي أو الرد والهجاء بلغة شعبية..!

نوعية جديدة من الفن

تتوالى الأحداث وتختلف العصور والأجيال، وتترسخ لنا حقيقة واحدة هي “أن كل جيل يعبر عن نفسه بطريقته الخاصة في كل شيء” وبالتأكيد يظل الفن أحد أهم طرق التعبير في عصرنا الحالي، فإذا كنت أحد المشككين في نوعية الفن الذي يقدمه ويجز أو بابلو أو غيرهم، يمكنك بكل بساطة فتح موقع يوتيوب وإلقاء نظرة سريعة على أرقام مشاهدات تلك الأغاني أو ذلك الصدى الذي يتركونه على مواقع التواصل الاجتماعي بعد كل كليب جديد!

مشكلة ويجز مع محمد رمضان

نشر أحد المعلقين على اليوتيوب وفيسبوك معاني لبعض كلمات أغنية ويجز “دورك جاي” ليُدهشنا بحقيقة معاني الكلمات وأسلوب الدس المتعارف عليه في أغاني الراب.. بعد أن انتشرت أخبار كثيرة حول توجيه كلمات هذه الأغنية للفنان محمد رمضان بعد سرقته لفكرة إعلان وأغنية ستينج من ويجز.

 

شرح كلمات أغنية “دورك جاي”

بفتنا تعاشر المظابيط
(يعنى تعاشر الرجالة اللى زينا)

ياسمك شعرة يا مصابيح
(سخرية من محمد رمضان من جسمه كإنه بيقوله اوعى يغرك جسمك ومصابيح يعنى نورك ضعيف يعنى انت مش نجم منور ولا حاجة)

ضباع بسعر المقاطيع
(يعنى انت مش اسد زى ما قلت فى اغنيتك انت ضبع وكمان بسعر المقاطيع يعنى اللى مالوش لزمة)

لو انت بابا انا مين
(برضه رد على اغنية انا بابا لمحمد رمضان )

مش نفس اللون منتساويش
(يعنى انت بتغنى مهرجانات وانا بغنى راب لو كنت بتعيش وشايف محدش بيرد عليك من مغنيين المهرجان، افهم ان الراب العكس لان الراب كله دس وبيفات يعنى اصلا قايم على التحدى والرد العنيف وانت جيت مع لون مبيرحمش)

يا لحمة نية متستويش
(فى سوقنا مالكش ثمن)

قلبت الحلو نسكويك
(يعنى انت من الفرافير اللى بيشربوا اللبن بالليل)

صدرى واسع واحتويك
(نفسى طويل لو هترد وانا اللى حكسب فى الاخر)

الشغل شغل الحق صنعة
(يعنى اتعلم منى انا المعلم)

العين بالعين والدية طلقة
(بيقولوا انت اللى بدات لما مقدرتنيش وأنا سبب نجاح اغنيتك ونسبت النجاح كله لك وحدك وديتك معايا طلقة)

ع التلفزيون وع الثبات

(يعنى انت ممثل فاشل وع الحقيقة انت افشل ومالكيش فالاكشن الحقيقى وع الثبات يعنى ع الأرض)

انتوا ع الرفوف والشماعات
(يعنى انت اخرك تتحط على افيش فيلم)

نص تراب نص بيرم
(التراب هو لون من الوان الراب ونص بيرم يعنى حريف انا فى رص الكلام اى ان اللون اللى بغنيهولك ده مزيج بين التراب والمهرجان الشعبى انت متعرفش تجمع بينهم شبهى)

قاطع ودنى بإيدى وكله متحير
(يعنى انا مبسمعش لحد يعطلنى فى مسيرتى وكلهم متحيرين يوقفونى ازاى)

اه ياغزالتى يا سهرانة مش صيدتى السكرانة
(غزالتى يعنى مطوتى وصيدتى السكرانة يعنى جبتى رقبة أعدائى)

أنا مصرف حصالات
(طبعا مصر كلها فاهمة يعنى ايه حصالة ومصرف حصالات يعنى راحتكم عندى لاى واحد شايف نفسه)

كعوبى نايكى وغدارات
(إشارة لسرعة الحركة.. الغدارة هى مطواة الحرامى اللى بتكون بتكة واحدة يعنى من غير صوت لما تتفتح ف بسهولة تجرح بيها خصمك قبل ما يستعد، والمعنى اللى عايز يقوله ان رد فعلى سريع وعنيف اكتر ما خصمى يتخيل)

اطلع الشقية تتطلع الغبية
(يعنى سلاحك قدامى غبى وتخسر)

العب بالغزالة العب بالـ 700
(يعنى بمطواه اعارك 700 ودى مبالغة مقصود منها اظهار القوة)

من غير ما اتمرن يابا اول جمهورية
(يعنى مش بالجسم هى بالقلب)

خمسة ورديانجية وخمسة متراسجية
(الورديان والمتراس منطقتين قريبين لبعض جدا وبينهم شبه منافسة لان كل منطقة لها ابطالها، وهو يقصد يقول لو اجتمع خمسة من هنا وخمسة من هنا حيقفلوا مدينتك)

مشط حى للرجالة اللى تاكل الزلط
(مشط الى يعنى ينضرب لهم طلقات فى الهوا)

ياكل معانا بطل ونجوعوا اللبط
(يعنى انا ابن اصول اصون العيش والملح ومغدرش، اللى ياكل معايا بس اللى راجل زى)

ع قفاك اللوجو جسمك ولا يغر
(الرجولة مش بالجسم والعضلات)

 

شاهد أيضاً

بشير الديك مؤلفاً لمسلسل محمد رمضان الجديد

كتب: عبد الله السيد وقّع المؤلف بشير الديك على كتابة مسلسل الإمبراطور بطولة الفنان محمد …

اترك تعليقاً

لن يتم نشر عنوان بريدك الإلكتروني.